An der Mëttesstonn hat de Generaldirekter vum CGDIS, Paul Schroeder, erkläert, datt tëscht dem fréie Moien a kuerz viru Mëtteg uechtert d’Land eng 77 Fäll vu Leit notéiert goufen, déi op Grond vum Glatäis gefall waren.
An den Ae vum Medezinner wier d’Populatioun iwwerrascht gi vum Glatäis an d'Leit wieren trotz de Warnungen erausgaangen, aus Noutwendegkeet eraus, zum Beispill wéinst der Aarbecht. Dat hätt e massiven Afflux vu Patienten am Escher CHEM no sech gezunn an et wiere virun allem Bréch diagnostizéiert ginn, mee net nëmme vu Féiss an Äerm.
“Énormément de fractures, des fractures à opérer, des fractures des membres supérieurs, des poignets, fractures du bassin chez les vieilles personnes qui sortent malgré tout pour faire leurs commissions. Fort heureusement pour nous, les écoles avaient été suspendues ce matin ce qui a permis d’éviter beaucoup de problèmes supplémentaires. Bon, toutes les équipes du CHEM sont mobilisées pour la prise en charge de chacun des patients, avec des indications opératoires, et c’est vrai que ça mobilise beaucoup l’hôpital."
An d’Urgencë vum CHEM zu Esch wären eng 60 Leit méi komm wéi op engem normalen Dag, sou de Chef vun deenen Urgencen. D’Ekippe wiere wuel preparéiert op e weideren Afflux vu Patienten an et géif ee säi Bescht maachen, mee wann d’Wiederkonditioune muer sou bléifen, da misst sech organiséiert ginn. Konkret misst driwwer nogeduecht ginn, ob d’Schoulen net och nach muer sollten zoubleiwen.
