Amazon ass den zweetgréissten Employeur hei am Land mat 4.570 Mataarbechter op den 1. Januar. De Konzern géif den Ament iwwerall massiv Leit entloossen, och zu Lëtzebuerg, ouni datt awer déi national Gewerkschaften implizéiert wieren. Dat kritiséieren ënnert anerem den OGBL, Déi Lénk, déi jonk Gréng a Greenpeace.
Och a Saache Klimaschutz wier d‘Online-Handelsplattform kee Musterschüler. Am aktuellen Trend hätt Amazon säin CO2-Ausstouss eréischt am Joer 2387 op 0 reduzéiert. De Betrib géif senge Flichten nëmmen nokommen, wann en dozou géif gezwonge ginn, behaapt Make Amazon Pay. D‘Streikaktioun ass geplangt fir muer an der Mëttegstonn um Hamilius an der Stad.
