Lëtzebuerger Regisseur Fränz Hausemer gewënnt Präis um Max Ophüls Filmfestival
De Fränz Hausemer huet mat "Terre rouge – Topographie du poète" um Samschdegowend de Max Ophüls Präis an der Kategorie Documentaire gewonnen. Et wier e filmescht Monument iwwer Vergänglechkeet a Liewenskonscht, dat déif beréiert, esou d'Jury.
De Film geet ëm d‘Wierk an d‘Liewe vum Gast Rollinger, engem Escher Philosophiesproff, deen 2024 gestuerwen ass. Hie war och Dichter a Filmmécher. De Fränz Hausemer huet fir de Film iwwer de Gast Rollinger d‘Regie, de Montage an d‘Musek gemaach, an och d‘Dréibuch geschriwwen
Den Haaptpräis um Max Ophüls Filmfestival war iwwerdeem fir den däitsche Film "Gropiusstadt Supernova" vum Ben Voit.
