D'Paleontologen Dr. Léa Numberger-Thuy an Dr. Ben Thuy aus dem Naturmusée, sichen am Schifer Steebroch zu Consthum no Zeien aus der Vergaangenheet. D'Zesummenaarbecht tëscht den Entreprisen a Bedreiwer vum Steebroch ass immens wichteg fir hir Aarbecht, seet den Dr. Ben Thuy.
“Well ouni Steebroch kéinte mer net gruewen. Wat wichteg unzemierken ass, well et schwéngt ëmmer d'Angscht mat, dass wa mer ze vill fannen, dass dann hei de Betrib zougemaach gëtt. Dat stëmmt awer net, well mir probéieren ëmmer sou ze sichen, sou ze, ze fuerschen, dass, datt mer eis, onopfälleg verhalen.”
Enk Zesummenaarbecht
D’Fuerscher géifen och vun den Aarbechten am Steebroch profitéieren erkläert de Ben Thuy weider.
“Et muss ee bedenken, wat méi Stee beweegt gëtt, well et besser fir eis ass, well all Steen, dee mer net selwer mussen, aus der Mauer raushuelen, spuert eis Zäit an Aarbecht”
Iwweregens schaffen Hobby-Paleontologen a Persounen, déi professionell an der Paleontologie beschäftegt sinn immens enk zesummen. Zu Lëtzebuerg gëtt et e breede Pool vu Collaborateurs scientifiques, déi sech mat oder ouni Studium, awer definitiv mat vill Passioun un der Fuerschung bedeelegen, seet den Dr. Ben Thuy.