De Moie fréi solle Medieberichter no Terroristen israeelesch Zaldoten am Süde vun der Gazasträif mat Panzerofwierrakéiten attackéiert hunn. Dat israeelescht Militär hätt zeréck geschoss.
D‘Arméi huet d‘Zivilisten am Norde vun der Gazasträif zanter dem Ufank vum Krich ëmmer nees opgeruff, zu hirer eegener Sécherheet an de Süde vum Küstegebitt ze flüchten. Dat hu bis elo ronn 700.000 Mënsche gemaach, mellen déi israeelesch Autoritéiten.
Virun allem am Norde bekämpft d‘Militär aktuell d‘Ariichtunge vun der Hamas, och am Süde koum et schonn zu Bombardementer. Do géif een awer nëmme geziilt Cheffe vun der Terrororganisatioun ugräifen, sou d‘Arméi. Dee Beräich wier keng sécher Zon, awer méi sécher, wéi all aner Plaz a Gaza.
