D‘Hamas huet hirersäits nees Rakéiten op Israel geschoss. Och de Raum ronderëm Groussstad Tel Aviv war viséiert. Éischten Erkenntnisser no gouf kee Mënsch blesséiert.
D‘USA hu sech géint eng weider laangfristeg Besetzung vun der Gazasträif duerch Israel ausgeschwat. D‘Gazasträif wier palestinensescht Land a géif dat och bleiwen, esou e Spriecher vum Ausseministère zu Washington.
Den israeelesche Premier Benjamin Netanjahu hat gesot, Israel géif nom Krich d‘Responsabilitéit fir d‘Sécherheet an der Gazasträif iwwerhuelen.
Israel huet de Moien och rëm eng weider Zäitfënster ginn, fir datt Zivilisten aus dem Norde vun der Gazasträif kënne flüchten. D‘Arméi huet eng Kaart iwwer X publizéiert mat der eng Strooss, iwwer déi d‘Leit vun 10 bis eng Auer eiser Zäit an de Süde kënne fortlafen.
D‘Ziviliste ginn opgeruff, sech am Süden a Sécherheet ze bréngen, well d‘Kämpf an d‘Bombardementer am Norde vun der Gazasträif am Stäerkste sinn.
The IDF has opened another evacuation corridor today for civilians in northern Gaza to move south: https://t.co/JLLMT0e54W
— Israel Defense Forces (@IDF) November 8, 2023
