Ronaldinho, Cantona, Beckham, Zidane. Nimm déi bal all Fussballfan dreeme loossen. An dacks verbënnt ee mat dësen Nimm gutt Erënnerungen u seng Kandheet, seng Jugend oder einfach legendär Matcher. Et wier genee dës Nostalgie déi vill Leit géif dozou beweegen sech en Tricot vun deemools ze kafen, erkläert de Maxime Arshed. Hien huet sech zesumme mat zwee Kandheetskollegen op Vintage-Tricote spezialiséiert, a féiert zënter bal véier Joer een entspriechende Buttek, den Iconic Football Shop.
"Les maillots permettent de revivre ces sensations, ces nostalgies. C'est aussi le fait de pouvoir se démarquer. On veut pas tous avoir le même maillot de la Lamine Yamal, Barcelone sur le dos. On veut quelque chose... Ronaldinho. Voilà, c'est quelque chose de différent. Il y a cet attrait-là de nostalgie. Il y a aussi l'attrait mode."
E Stéck Geschicht am Schaf hunn
Am Géigesaz zu den neien Tricoten, déi all Saison rauskommen, géif ee mat de Vintage-Tricoten och d’Geschicht kafen déi mam Tricot verbonnen ass, esou de Maxime Arshed. E ganz besonnescht Beispill ass do en Tricot vum FC Barcelona aus der Saison 1979, dee vum Carles Rexach perséinlech gedroe gouf an deen hien d'lescht Joer a sengem Buttek verkaf huet.
"Il est venu jouer ici au Luxembourg contre l’Aris Bonnevoie. C'était une Coupe d'Europe et il a échangé ce maillot-là contre un joueur de l’Aris Bonnevoie. Et quand on a fait nos recherches sur ce maillot-là, en fait Carles Rexach, c'est le mec qui était recruteur pour le Barça en 2003, ou 2002 et c'est lui qui a été en Argentine parler avec le père de Lionel Messi pour le recruter et qui a écrit un contrat sur un mouchoir. C'était celui qui avait porté ce maillot-là. C'était exceptionnel."
Den Tricot ass fir bal 1.000 Euro un e Sammler aus Barcelona verkaf ginn. Retro-Tricote sinn awer net ëmmer sou deier. Vun 20 Euro un, wier fir all Budget eppes dobäi erkläert de Maxime Arshed. De Präis orientéiert sech dobäi un der Geschicht, der Raritéit an der Qualitéit vum Tricot.
Eng richteg, kloer Ziilgrupp géif et fir Vintage Tricoten awer net ginn, gëtt de Geschäftsmann zou.
"On a des mamans qui viennent pour leurs enfants, on a des femmes qui viennent pour leur mari, on a les maris carrément qui viennent choisir un maillot puis après on voit la femme qui débarque la semaine d'après pour lui faire un cadeau. Il y'a des gens qui n'aiment même pas forcément le football, qui viennent acheter des maillots juste parce que les couleurs sont belles."
D'Erënnerungen un d'Idoler aus der Kandheet nach eng Kéier opliewe loossen
Ganz beléift sinn natierlech d’Tricote vun de Stare vun deemools, wéi déi ufanks genannte Beckham, Cantona oder Zidane. Am meeschte gefrot sinn awer d’Tricote vum FC Barcelona, awer och d'Tricoten vun der Insel si beléift.
"L'Angleterre, notamment la Premier League, ça se vend très bien. Après, on a vraiment de tous les championnats, tous les clubs et encore une fois, je disais à mon associé la semaine dernière, on a vendu un maillot de division trois Biélorusses."
De Maxime Arshed ass vu klengem op Fussballfan an huet sech bei der Iddi fir den Iconic Football Shop vun änleche Buttiker aus England inspiréiere gelooss. Well hie sech bis dohin awer nach net mat Vintage-Tricoten ausernee gesat hat misst hie sech verschidde Saache selwer bäibréngen. Zum Beispill fir original a fake Tricoten ze ënnerscheeden.
"Là, c'est l'expérience, c'est le toucher du textile, c'est le visuel, les broderies, comment elles sont faites, la qualité des écussons, comment c'est brodé, comment c'est piqué dans le textile, le flocage aussi. La qualité d'un flocage s'il est trop fin plus épais ça va dépendre en fait c'est super complexe mais tout part de l'expérience."
De Maxime erwaart sech, dass den Trend och an Zukunft unhält. Mat sengem Pop-Up Store plënnert hie geschwënn an d’Stad an hofft do d’Leit mat de Vintage-Tricoten ze begeeschteren.
