Groussbritannien stoppt Tanker vun der russescher "Schattenflott"
Déi brittesch Arméi huet en Uelegtanker vun der russescher "Schatteflott" gestoppt. D'Schëff war ënnerwee duerch den Äermelkanal a koum aus engem russeschen Hafen, wéi de brittesche Premier Keir Starmer matgedeelt huet.
Dem brittesche Verdeedegungsministère no, géif d‘Schëff elo virun der brittescher Südküst festgehalen an ënnersicht ginn.
D'Regierung zu London geet dovun aus, datt den Tanker Deel vun der russescher "Schatteflott" ass. Mat esou Schëffer versicht Moskau, d'Sanktiounen am Zesummenhang mam Krich géint d'Ukrain ze ëmgoen an den Export vun Ueleg weiderzeféieren.
