D'Auszielung war laang a komplizéiert, ma um Freidegowend ass den Numm vun der neier Buergermeeschtesch vu Greater Manchester bekannt gi: D'Bev Craig iwwerhëlt de Poste vum Andy Burnham, dee jo zanter dem 20. Juli neie Premierminister ass.
D'Labour-Partei huet déi virgezunne Buergermeeschterwal mat däitlechem Virsprong gewonn a 47 Prozent vun de Stëmmen erreecht. Op déi zweet Plaz ass déi rietspopulistesch Partei Reform UK komm mat 21 Prozent. Déi Gréng hu mat 12 Prozent déi drëttmeescht Stëmmen erreecht.
D'Resultat confirméiert déi aktuell Popularitéit vum neie Premier. Gläichzäiteg weist sech awer och eng gewësse Politikverdrossenheet bei der brittescher Bevëlkerung: D'Walbedeelegung louch nëmme knapp iwwer 25 Prozent - den niddregste Wäert säit der Aféierung vun dësem Amt am Joer 2017.
