Bei engem rezenten Asaz vun der israeelescher Arméi wieren et och rëm dräi Doudeger ginn. Wéi de Gesondheetsministère zu Ramallah matdeelt, wier ee Palestinenser am Norde vum Westjordanland ëmkomm an zwee bei Ramallah. Israeelesch Zaldoten hätten och 49 Persoune festgeholl, dovun 21 presuméiert Hamas-Memberen a Waffe confisquéiert.
An der Gazasträif wiere bei enger israeelescher Attack 27 Mënschen ëm d‘Liewe komm. Wéi de Gesondheetsministère vun der Hamas mellt, wier de Virfall bei enger Schoul vun der UNO geschitt.
