/ Ëmgang mat syresche Flüchtlingen: UN rifft zur Gedold op
UN-Flüchtlingshëllefswierk
Ëmgang mat syresche Flüchtlingen: UN rifft zur Gedold op
D‘Vereenten Natioune rechnen domat, datt ronn eng Millioun Flüchtlingen an den éischte 6 Méint d‘nächst Joer a Syrien zeréck ginn. Dat sot d‘Direktesch fir den Noen Oste vum UN-Flüchtlingshëllefswierk. Si huet awer virdru gewarnt, syresch Flüchtlingen iwwerstierzt aus anere Länner zu engem Retour an hir Heemecht ze drängen.
Et wier nach ze fréi fir ze bestëmmen, wéini et fir d‘Leit sécher ass, fir zeréckzekommen. Et géif een op d‘Regierungen zielen, fir Gedold ze hunn a keng drastesch Entscheedungen ze treffen.
Éisträich huet allerdéngs schonn ee Réckféierungsprogramm vu syresche Flüchtlingen ugekënnegt.
Hei am Land – grad ewéi an enger Partie aner EU-Staaten – sinn d‘Asylprozedure fir syresch Flüchtlingen den Ament op Äis geluecht.
