Dat géif haaptsächlech dorunner leien, datt de Service "Prestations en nature maladie et maternité" vun der Gesondheetskees mat enger konstanter Augmentatioun vun den Demandë fir e Remboursement konfrontéiert wier a mat Schwieregkeete Personal ze rekrutéieren, erkläert d’Martine Deprez an hirer Äntwert.
Fir Delaien ze verkierzen, hätt d’CNS en neie Projet lancéiert mam Zil d‘Quantitéit u Rechnungen, déi kënne vum Computer erfaasst ginn, eropzesetzen. De Paiement immédiat direct, also dee System, iwwert dee Rechnungen direkt beim Dokter vun der CNS rembourséiert ginn, wier vum 19. Mäerz un och fir Spezialisten an Zänndokteren accessibel. Dee System muss allerdéngs fir d‘éischt vun enger externer Firma an de Praxissen installéiert ginn. D‘Regierung accordéiert fir all PID deen an engem Cabinet installéiert gëtt eng Primm vun 625 Euro.
