search

/ Camionschauffer bei Aarbechtsaccident am Cargo Center gestuerwen

Police confirméiert

14 Feb. 2025 - 13h32

Camionschauffer bei Aarbechtsaccident am Cargo Center gestuerwen

De Freideg de Moie géint 8 Auer koum et am Cargo Center vum Fluchhafen zu engem déidlechen Accident. Wéi lux-Airport a Lux Cargo Handling an engem Communiqué matdeelen, war e Camionschauffer vun enger externer Firma an deem Tëschefall verwéckelt.

1 min

Et handelt sech ëm een 32 Joer ale Mann, dee beim Accident schwéier blesséiert gouf an dann am Spidol gestuerwen ass, huet d‘Police op eis Nofro hin confirméiert. Déi genee Ëmstänn wéi et zum Accident koum sinn nach net bekannt.

D’Rettungsdéngschter, d’Police an d‘ITM wiere séier op der Plaz gewiescht an hunn eng Enquêtelancéiert. Ausserdeem kréiche Mataarbechter psychologesche Support.