Bei den Europawalen 2019 war d’DP déi stäerkste Kraaft ginn. Bei de Wale gëschter war dat erëm d’CSV.
"Ech si ganz zefridde souwuel als Lëtzebuerger Regierungschef wéi als CSV-President, datt d’CSV bei dëse Walen déi eenzeg Partei ass am Lëtzebuerger politesche Spektrum, déi zwee Europadeputéierte kritt huet. Dat ass eng Confirmatioun vun der Politik vun der politescher Mëtt. Och déi aner Sëtz – fënnef vu sechs Sëtz – ginn zu staark pro-europäesch Parteien zu Lëtzebuerg."
Generell géif hie feststellen, datt déi “politesch Mëtt” dat nächst Europäescht Parlament wäert dominéieren, esou de Luc Frieden.
De Premier an CSV-President huet gëschter Owend och däitlech gemaach, datt säi Parteikolleeg Christophe Hansen soll nächste Lëtzebuerger EU-Kommissär ginn.
D’Entscheedung vum franséische President, fir d’Parlament opzeléisen an Neiwalen unzekënnegen, huet de Frieden “eng impressionant Decisioun” genannt: Den Emmanuel Macron hätt domat politesch Verantwortung iwwerholl