De Streik soll bis e Freideg daueren. Et gëtt erwaart, datt Dausenden Haus-Dokteren eréischt d‘nächst Woch, den 2. Januar, nees wäerten opmaachen. Fir dréngend Noutfäll bleiwe verschidde Praxissen op.
De Patienteschutz an de Gesondheetsminister Karl Lauterbach hunn de Streik kritiséiert, well et iwwer d‘Feierdeeg ëmmer besonnesch vill Krankheetsfäll géif ginn.
Am Januar wëll de Minister e Krise-Sommet organiséiere fir mat den Hausdokteren iwwer hir Problemer ze schwätzen.
