Den ukrainesche Präsident Wolodymyr Selenskij gesäit Fortschrëtter u der Front. An de leschte siwen Deeg si mer viru komm, sou de Selenskij.
Op eenzele Frontofschnëtter wieren Uertschaften zréck eruewert ginn. Och ronderëm d‘Stad Robotyn, wou di ukrainesch Truppen déi éischt russesch Defense-Linnen duerchgebrach hunn, hätt een annerhallwe Kilometercarré nei besat.
