Wéi et vun de Responsabelen vun der Bunn an Daitschland heescht, géifen nach ëmmer Onbekannter probéieren de System ze attackéieren.
Et géif sech ëm DDOS-Attacken handelen, déi op een Ausfall vum ganze System aus sinn. D‘Ofwiersystemer géife sou wäit fonktionnéieren an Donnée vu Cliente wiere bis elo net geklaut ginn.
Schonn haut de Moien war de Buchungssystem vun der Deutschen Bahn wärend e puer Stonne net erreechbar a Clienten konnte weder Horaire kucken nach Zuchticketen buchen.
Vu wiem dës Attacken ausginn, ass nach net bekannt.
