Noriichten

/ Jens Stoltenberg: Zesumme si mir méi staark a méi sécher

75 Joer NATO

04 Abr. 2024 - 12h50

Jens Stoltenberg: Zesumme si mir méi staark a méi sécher

D’USA an Europa wieren zesummen an der NATO méi staark, esou de Moien de Generalsekretär vun der Allianz, de Jens Stoltenberg. Duerch d’NATO hätten d’USA méi Frënn an Alliéierter wéi all aner Groussmuecht.

3 min

2 min

Foto: MAE Luxembourg

D’NATO feiert haut zu Bréissel hire 75. Gebuertsdag. Mat dobäi sinn d’Ausseministere vun den 32 Memberstaaten, dorënner och de Xavier Bettel.

De Xavier Bettel nieft dem US-Ausseminister Antony Blinken. (Foto: MAE Luxembourg)

D’NATO ass de 4. Abrëll 1949 zu Washington gegrënnt ginn. Dat als Reaktioun op d’Politik vun der deemoleger Sowjetunioun.

Bei der NATO zu Bréissel ass haut och ee Gespréich mam ukraineschen Ausseminister geplangt. Gëschter um Mëttwoch haten d’NATO-Ausseministere schonn iwwer weider Hëllef fir d’Ukrain diskutéiert.

🗓️ #OnThisDay 4 April 1949: 🇧🇪Belgium 🇨🇦Canada 🇩🇰Denmark 🇫🇷France 🇮🇸Iceland 🇮🇹Italy 🇱🇺Luxembourg 🇳🇱the Netherlands 🇳🇴Norway 🇵🇹Portugal 🇬🇧the United Kingdom and 🇺🇸the United States founded NATO.

These founding members signed the North Atlantic Treaty, and NATO was born.

Take a… pic.twitter.com/9BXpzM3DhR
— NATO (@NATO) April 4, 2024

Um Bord vun de Festivitéite fir de 75. Anniversaire vun der NATO huet den ukraineschen Ausseminister vun den NATO-Staate méi Fluchofwierrakéite gefuerdert. D’Ukrain war och déi lescht Nuecht erëm d’Zil vu russeschen Dronen-Attacken.

Lauschteren