D’Bestandsopnam, déi vun der Beroderfirma QUALIA zur Mudam-Affär gemaach gi war, soll awer net verëffentlecht ginn.
Dat geet aus dem Avis vun der Commission d’accès aux documents (CAD) ervir. Als Grond gëtt ënner anerem uginn, datt d’Dokument Informatiounen iwwer privat a berufflech Situatioune géif beinhalten. Weider wier d’Dokument een Deel vun engem internen Aarbechtsprozess am Musée.
radio 100,7 hat Accès ugefrot
Nodeem de radio 100,7 Enn Abrëll eng Ufro gemaach hat, fir Accès zur Bestandsopnam ze kréien, hat de Kulturministère een Avis bei der CAD ugefrot.
D’Oppositioun hat an der Chamber-Kulturkommissioun een Abléck an dat ganzt Dokument gefuerdert.
De Kulturministère huet bis ewell just d’Conclusioune mat den Deputéierte gedeelt. Déi waren den Oppositiounsmemberen awer net opschlossräich genuch.
