/ Cap Vert ass offiziell malariafräi
De Cap Vert huet de Kampf géint Malaria gewonnen. D‘Weltgesondheetsorganisatioun huet den Inselstaat haut als malariafräi deklaréiert. Dofir muss eng Regierung noweisen, datt et zanter op d‘mannst dräi Joer keng lokal Infektioune méi gouf, an datt e gudden Iwwerwaachungssystem de Retour vun der Krankheet ka verhënneren.
1 min
De Malaria-Parasit gëtt iwwer infizéiert Moustiquen iwwerdroen. D‘Krankheet ka liewensgeféierlech sinn. 2022 sinn eng 600.000 Mënschen a ronn 85 Länner weltwäit gestuerwen, virop an Afrika. Do sinn 80 Prozent vun den Doudesaffer Kanner ënner fënnef Joer.
De Cap Vert ass dat drëtt Land um Kontinent, no Mauritius an Algerien, wou Malaria als ausradéiert gëllt.
