Radioen

On air

One World  |  One World

play_arrow Live
arrow_back_ios

100komma7.lu

100komma7.lu

/ COP28: Länner beschléisse Kompensatiouns-Fong fir Klimaschied

Historesch Decisioun

COP28: Länner beschléisse Kompensatiouns-Fong fir Klimaschied

Direkt um éischten Dag vun der Weltklimakonferenz zu Dubai ass eng historesch Decisioun gefall: d‘Vertrieder vun den 200 Länner, déi bei der COP28 dobäi sinn, hunn an der Mëttesstonn de Feu vert gi fir dee Fong, deen déi aarm Länner, déi ënnert dem Klimawandel leiden, finanziell entschiedegt.

auto_stories

1 min

Foto: picture alliance / NurPhoto | Jakub Porzycki

Et gouf zu Dubai standing ovations fir déi Decisioun. Op der leschter Weltklimakonferenz, d‘lescht Joer an Ägypten, war ee sech iwwer de Prinzip vun sou engem Fong eens, mee konkret war nach näischt decidéiert ginn.

De Moien hunn Däitschland an déi Vereenten Arabesch Emiraten iwwerraschend 200 Milliounen Dollar fir dee Fong annoncéiert.

70.000 Leit aus 200 Länner zu Dubai

Op der COP28 soll och de Bilan gezu ginn, ob d‘Klimaziler vun den UNO-Memberlänner duerginn, fir d‘Zil vun enger maximaler Äerderwiermung vun annerhallwem bis 2 Grad ze erreechen.

Vun haut un an déi nächst zwou Woche verhandele ronn 70.000 Persounen aus bal 200 Länner och doriwwer, wéi séier a wéi konsequent si bereet sinn op Gas, Pëtrol a Kuel ze verzichten.

Fir Lëtzebuerg sinn den Ëmweltminister Serge Wilmes an de Grand-Duc Henri bei der Ouvertureszeremonie derbäi.