Iwwer 500 Leit schaffe bei deenen zwou Entitéite vun der Caritas, déi vum Finanzskandal betraff sinn. Geplangt ass, datt eng oder méi nei Entitéite gegrënnt ginn, fir déi national Projete vun der Caritas weider ze féieren. Nach ass onkloer, wéi vill Leit dobäi wäerten iwwerholl ginn.
Am Juli war bekannt ginn, datt d’Caritas Lëtzebuerg 61 Milliounen Euro geklaut krut. Eng Enquête vun der Justiz ass am Gaangen.