Hien hätt der Police e Bréif geschéckt, fir ze froen, ob d‘Police kéint Beamten an d‘Gebai schécken. Well si awer ni eng Äntwert kritt hätten, hätte si decidéiert, kee Stand ze maachen.
An der Äntwert op eng parlamentaresch Ufro vun de Piraten seet den Inneminister Léon Gloden, datt ni sou e Bréif ukomm wier, weder bei der Generaldirektioun vun der Police, nach an der Direktioun vun den Operatiounen, oder der Direktioun vun der Stad.
D‘Police wier awer iwwer Email mat den Organisateuren a Kontakt gewiescht. An am Kader vun der Visitt vum israeeleschen Ambassadeur hätt een den Organisateure vum israeelesche Stand geroden, fir zousätzlech zum erhéichten Dispositif vun der Police och selwer nach Sécherheetsmesuren ze huelen, sou nach de Minister.
