De Paul Schroeder vum CGDIS huet de Moien och den Appell un d’Eegeverantwortung gemaach. Fir d’Rettungsekippen ze entlaaschte sollt ee kucken, wat een eventuell selwer ewech raume kann.
Vu gëschter Owend hält de Paul Schroeder fest, datt d’Rettungsekippe gutt preparéiert waren. Dat wichtegst wier, datt kee Mënsch zu Schued koum. De Materialschued wier awer plazeweis grouss.
Meeschtens gouf Hëllef gefrot fir Kelleren auszepompelen. Et hunn awer och ëmgefalle Beem a Clôturë missen ewech geraumt ginn.
Besonnesch intensiv war de Reen am Raum Péiteng, Déifferdeng a Suessem. An deem Raum wier een Drëttel vun den Interventioune gewiescht, esou de Paul Schroeder.