98 Prozent vun de Schüler aus der Grondschoul an de Lycéeë profitéiere vum Schouluebstprogramm, heescht et an der Matdeelung vum Ministère. Verdeelt gi 5 Lousen u lokal Produzenten. Kleng Uebst- a Geméisbauere kënne sech och fir ee Lous zesummendinn.
Zwee weider Louse si fir d‘Distributeure virgesinn, fir 402 Schoulen ze beliwweren a fir de Rescht vum Uebst a Geméis bäizesteieren, dat néideg ass fir de Programm. Dat entsprécht weideren 250 Tonnen.
Intresséiert Geméis- an Uebstbaueren hu bis den 20. September Zäit, fir sech ze mellen.