Déi zwee Koalitiounspartner, zwou prowestlech Parteien, si sech net eens ginn. Elo muss de bulgaresche President Rumen Radew en Interimsregierungschef nominéieren, deen d‘Neiwale virbereede soll.
Et wieren déi 6. Parlamentswalen an 3 Joer. Als méiglechen Datum fir Neiwale gëllt den 9. Juni, den Dag vun den Europawalen.
Dës politesch Instabilitéit kéint a Bulgarien d‘Aféierung vum Euro, déi fir den 1. Januar 2025 virgesinn ass, elo a Gefor bréngen.
Bulgarien soll och schonn den 31. Mäerz dem Schengen-Raum bäitrieden.