Europa Aktuell

P-Fas, dat ass de Kierzel fir eng Famill vu cheemesche Substanzen, déi a ville Produiten aus dem alldeegleche Liewen dra sinn: Kleeder, Kosmetik-Artikelen oder awer och de Schaum, fir Feier ze läschen. Déi Substanze si ganz nëtzlech, mee och geféierlech fir d‘Ëmwelt a fir d‘Gesondheet.
Si stinn am Mëttelpunkt vun engem politesche Skandal an der Belsch, wou Journalisten opgedeckt hunn, datt Drénkwaasser plazeweis zanter Joren extreem belaascht ass, d‘Autoriéiten awer näischt ënnerholl hunn. Et ass net déi éischte Kéier, datt net séier genuch par rapport zum Risiko, dee P-Fas duerstelle, reagéiert gëtt - et handelt sech éischter ëm een europäesche Problem.

Episoden

Een net ganz appetittleche Cocktail

18 Nov. 2023 - 08h37

D'Chemikalien PFAS a Glyphosat sinn dës Woch erëm op der europäescher Menuskaart gelant. Den Olivier Hanrion vun der belscher RTBF kommentéiert.

Nicolas Schmit als Spëtzekandidat vun den EU-Sozialisten: Nach ee laange Wee

17 Nov. 2023 - 07h22

Den Nicolas Schmit huet Ambitioune fir Spëtzekandidat vun den Europäesche Sozialisten ze ginn. Wéi gutt sti seng Chancen?

Polen: Waarden op déi nei Regierung

16 Nov. 2023 - 07h22

Déi liberal Oppositioun a Polen hofft op Verännerungen. Dat betrëfft virun allem och d'Zivilgesellschaft. Mee et ass nach Gedold gefrot.

Portugal: Diskussioun iwwer Korruptioun nei lancéiert

15 Nov. 2023 - 07h22

A Portugal steet d'Enquête iwwer d'Korruptiouns-Affär nach ganz um Ufank, nodeems de Premier Antonio Costa demissionéiert huet.

No bal 20 Joer EU-Rotssëtzungen: Jean Asselborn seet Äddi

14 Nov. 2023 - 07h22

De Jean Asselborn hat no bal 20 Joer seng lescht Reunioun vum EU-Ministerrot. Wéi kuckt hien zeréck?

Spuenien: Amnestie-Accord vum Pedro Sanchez an der Kritik

13 Nov. 2023 - 07h22

A Spuenie gouf de Weekend géint Konzessioune protestéiert, déi de Premier Sanchez vis-à-vis vu Separatisten gemaach huet.

EU-Kommissioun enquêtéiert géint Internet-Risen

11 Nov. 2023 - 08h37

Bréissel pocht drop, datt déi europäesch Reegele respektéiert ginn.

Portugal: Regioun Douro wiert sech géint d'Kris am Wäinsecteur

10 Nov. 2023 - 07h22

De portugisesche Wäin-Secteur ass an der Kris. De Konsum geet erof an d‘Präisser erop. Déi concernéiert Wënzer am Douro probéieren ze reagéieren.

Ukrain als neien EU-Member: Wéi séier kéint dat goen?

09 Nov. 2023 - 07h22

D'EU-Kommissioun recommandéiert, datt Bäitrëttsgespréicher mat der Ukrain a Moldawie sollen opgeholl ginn. Wéi realistesch ass et, datt béid Länner Member vum Club ginn?

"Nettoyage social" virun den Olympesche Spiller?

08 Nov. 2023 - 07h22

Nächste Summer sinn zu Paräis déi Olympesch Spiller - am Virfeld géing elo schonn domat ugefaange ginn ze botzen - dat soen ONGen , déi virun engem "nettoyage social“ warnen.

Schengen-Raum: Grenz-Kontrolle kéinten zur Normalitéit ginn

07 Nov. 2023 - 07h22

D'Verhandlungen tëschent EU-Parlament a Memberlänner iwwer d'Reform vum Schengen-Raum fänken un. Gestridde gëtt virun allem iwwer Grenzkontrollen.

Spuenien: Sanchez kritt Support vu PS-Memberen

06 Nov. 2023 - 07h22

A Spuenie probéiert de Premier Pedro Sanchez eng nei Regierung ze forméieren. Gëschter huet eng Majoritéit vun de Membere vu senger sozialistescher Partei Jo zu sengem Koalitiouns-Accord gesot.