D'Zil hei op der Az ass et, d'Fiichtgebitt méiglechst oppen ze gestalten an ze ënnerhalen. Et sollen also keng Hecken eropkommen a méiglechst wéineg Vegetatioun sinn. D'Successioun gëtt ëmmer nees op de Kapp gesat, esou de Max Steinmetz. Dat gëtt hei mat Islandponye gemaach. Fir dat Zil ze erreechen, gëtt versicht mat lokale Betriber zesummenzeschaffen. D'Päerd hëllefen, datt hei op der Fläch net ze vill wiisst an alles kuerz bleift.
Hei op der Az existéiert eng relativ homogen Landschaft ouni Hecken a Beem - et ass also just ee charakteristesche Liewensraum fir bestëmmten Aarten. "Déi wéineg Aarten, déi mir hei hunn, si super bedroten Aarten. Dowéinst ass déi Valeur ëmsou méi héich."
