Cineast Mënschlechkeet als Prinzip

De kosovaresche Film "Eho" erzielt eng Geschicht iwwer perséinlech Relatiounen an deenen de Materialismus keng Roll méi soll spillen, erkläert de Realisateur Dren Zherka am 100,7-Interview. De Film erzielt vun enger Mamm an Däitschland an engem Papp am Kosovo, déi allebéid hir Famill an hir Hoffnung verluer hunn.

Maxi Pesch / cbi

DREN ZHERKA.jpg
Dren Zherka

MP: "Echo/Eho" ass als éischt eemol e Film iwwert zwee Länner, Kosovo an Däitschland. Dren Zherka, Dir kommt selwer aus dem Kosovo, lieft awer elo zu Berlin. Wéi vill vun Ärem perséinleche Liewen ass an Äre Film mat agefloss?

DZ: De Film schwätzt iwwert meng Kandheet a wéi ech se erlieft hunn. Zum Beispill, wéi ech d'Alleng sinn an d'Trennung vun der Famill an de Kanner erlieft hunn. De Charakter, deen am Film an Däitschland wunnt, ass mäi perséinlecht Erliefnes, meng Experienz, meng emotional Welt an där ech elo liewen an an där ech an Zukunft liewe wëll. Eng wichteg Welt fir mech. A fir dat ze verstoen, hunn ech missten a meng Vergaangenheet an de Kosovo zréckgoen.

Et ass e Film iwwert d'Identitéit an iwwer perséinlech Relatiounen.

D'Fro ass och: Wat ass Identitéit? Kloer, et gi verschidden Theorien, déi dat wëlle beäntweren. Mä fir mech war et wichteg d'Gemeinsamkeeten an der Virdergrond ze bréngen an net d'Ënnerscheeder. An ech wollt dat um Basis-Niveau vun der Mënschlechkeet weisen. Also wéi mir mateneen ëmginn an eis gären hunn. An déi Basis ass universell an déi wollt ech weisen, andeems datt ech alles wat materiell ass, verschwanne loossen.

Am Film gëtt et een Desequiliber tëschent der Dramatik vum Mann am Kosovo an der Fra an Däitschland. War dat esou gewollt?

Jo, et gëtt einfach en Ënnerscheed, ob eng Persoun an Däitschland lieft oder am Kosovo. Obwuel ech déi materiell a sozioekonomesch Facteure wollt ausschalten, existéiere se trotzdeem. Hie kämpft fir e puer Euro fir z'iwwerliewen, a si huet aner existenziell Suergen. Materiell huet hien aner Suergen. Mä ech wëll am Fong, datt déi zwou Saache sollen onwichteg ginn am Film.

Kontraster gesäit een och um techneschen Niveau vum Film?

Genee, am Kosovo an an Däitschland hate mir ënnerschiddlech Lënsen, en anere Grading, eng anere Ratio an eng aner Kameraféierung. Dat mierkt ee, well et och esou gewollt ass. Et si philosophesch zwou ganz ënnerschiddlech Saachen. An Däitschland benotze mir keen "travelling" a keng "dollies". Et ass awer net esou, datt mir et just am Kosovo méi dramatesch wollte maachen, mä et sinn éischter philosophesch Usätz am Kader vun der Filmsprooch.

Geschwat gëtt jo net vill am Film ...

Jo, ech si kee grousse Fan vun Dialog am Film. Mä hei huet d'Thematik dat esou erginn. Mä ech fannen och, datt een duerch Biller vill méi vermëttele kann.

Am Film ginn et vill Symboler. D'Feier an d'Äsche spillen eng grouss Roll. Huet dat eppes mat der Krichsvergaangenheet vum Kosovo ze dinn?

Jo, also et gëtt vill Symbolik. Mä dat gëtt et an all Film. Mä besonnesch am Kosovo ginn et vill Symboler, déi mam Krich eppes ze dinn hunn. Mä ech wollt mam Film net direkt an d'Vergaangenheet goen, dofir sinn d'Symboler vläicht méi staark. Ech wëll, datt mäi Publikum bewosst matdenkt an datt si de Film emotional als Konscht matkréien. Symboler sinn ëmmer Deel vun enger Filmsprooch.

Sechs Joer hutt Dir um Film geschafft, mat engem Budget vu just 50.000 Euro. Wéi hutt Dir dat fäerdegbruecht?

Et war en immens schwierege Prozess. Zu de sechs Joer gehéieren Entwécklung, Schreiwen, ofgeleent ginn, nees Schreiwen etc ... an och praktesch gesinn hu mir zwee Joer um Film geschafft. Ech hu missten eng Paus tëschent den Dréiaarbechte maachen. A wann een net dee richtege Budget huet, ass dat schwéier. Et war interessant, mä ech wënschen et deene jonke Filmemaacher net. Ech hoffen, si hu méi Chance mat de Suen. Et hu mir och vill Frënn gehollef. Ech sinn elo frou a jiddereen ass frou. Mä dat do mécht ee keng zwee mol an déi nächst Kéier hoffen ech, ee richtege Budget ze hunn.

Dren Zherka

Méi zum Thema

birds_are_singing_in_kigali_18.jpg
Cineast

Wéi gi Mënschen, déi de Genozid am Ruanda iwwerlieft hunn, mat hiren traumateschen Erliefnisser ëm? "Birds are singing in Kigali" ass keen einfachen, mä kënschtleresch a pedagogesch wäertvolle Film.

Peter Bebjak.JPG
Cineast

Mat "The Line" huet de Peter Bebjak een impressionnante Thriller gedréint iwwert de Schmuggel op der slowakesch-ukrainescher Grenz. Interview mam slowakesche Realisateur am Kader vum CinEast-Festival.

alexandra.jpg
Cineast

"Prowl" ass kee feministesche Film, esou d'Alexandra Balteanu. Am 100,7-Interview schwätzt déi rumänesch Realisatrice iwwer de Respekt vun de Prostituéierten an iwwert d'Konscht an hirem éischte Film.

Priit Paasuke
Cineast

Den estnesche Realisateur Priit Pääsuke schwätzt am 100,7 Interview iwwert den nordeschen Humor, d'Acceptéiere vun eiser Ëmwelt an iwwert d'Wichtegkeet vun de Co-Produktiounen an Europa.

soldiers_story_from_ferentari_01.jpg
Cineast

Iwwert een humorvollen Ëmgang mat der Homosexualitéit gëtt "Soldiers. A Story from Ferentari" een originellen Abléck an d'Liewensëmstänn vun aarme Romaen. Offiziell Competitioun vum CinEast-Festival.

november_03.jpg
Cineast

"November", vum estnesche Realisateur Rainer Sarnet, ass ee barocken, a wonnerschéinem Schwaarz-Wäiss gedréinte Libesfilm, deen eng mystesch Atmosphär schaaft mat ville skurrille Personnagen.

Rainer Sarnet.jpg
Cineast

Eng spirituell a mystesch Welt mécht d'Grenze vum Kino méi grouss op, esou de Rainer Sarnet iwwert säin neie Film "November" am 100,7 Interview. Trotzdeem wier säin Zil e realistesche Film.

miracle_07.jpg
Cineast

"Miracle" (Stebuklas) vun der litauescher Realisatrice Egle Vertelyte setzt sech - op eng humoristesch Aart a Weis - mat de soziale Konsequenze vum Zesummebroch vun der Sowjetunioun auserneen.

directions_03.jpg
CinEast

"Directions" hëlt d'Spectateure mat op eng Taxirees duerch déi bulgaresch Haaptstad Sofia an hir sozial Problemer. Originell opgebaut, ganz gutt gespillt an technesch brillant ëmgesat.

FullSizeRender.jpg
Cineast

De Stephan Komandarev bezeechent sech als Optimist. Dowéinst wier de Realisateur vun "Directions" a Bulgarien bliwwen. Mat senge Filmer wëllt hien der Societéit säi Stéck Optimismus schenken.

jupiters_moon_02.jpg
CinEast

Den ambitiéisen ungaresche Film "Jupiter's Moon" vum Film- an Theaterregisseur Kornel Mundruczo suivéiert e Flüchtling mat aussergewéinleche Kräften. De Film gouf um CinEast-Festival 2017 gewisen.

filthy_01.jpg
CinEast

"Filthy", vun der jonker slowakescher Realisatrice Tereza Nvotová, ass een däischtere Film iwwer Vergewaltegung. Duerch an duerch pessimistesch, mä filmesch gutt ëmgesat, fënnt de Michel Delage.

Tereza Nvotová
Cineast

De slowakesche Film "Filthy" soll d'Diskussioun iwwert d'Vergewaltegung am Land opmaachen, seet déi jonk d'Realisatrice Tereza Nvotová am 100,7-Interview. Et wier dat lescht Tabuthema.

Aurora Borealis.JPG
CINEAST

Den Drama "Aurora Borealis: Northern Lights" vun der Ungarin Márta Mészáros ass ee Spuerespill iwwert d'Opschaffe vu schwéiere Familljegeheimnisser. Kohärent a gelongen, fënnt de Michel Delage.

Programm

Net verpassen

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen