Gezeechent Octavia Butler, Damian Duffy, John Jennings - The Parable of the Sower

"The Parable of the Sower" baséiert op engem Roman vun der afroamerikanescher Sci-Fi Auteurin Octavia Butler, deen an de 1990er erauskoum. Wann een d'Comic-Adaptatioun vum Damian Duffy an John Jennings opschléit, mierkt een awer direkt, datt d'Thematik nach ëmmer aktuell ass.

Jeff Thoss / cz

Parable of the Sower

"The Parable of Sower" baséiert op engem Roman vum der afroamerikanescher Science-Fiction Auteurin Octavia Butler, deen an den 1990er erauskoum. Wann een d'Comic-Adaptatioun vum Damian Duffy an John Jennings opschléit, mierkt een awer direkt, datt d'Thematik nach ëmmer aktuell ass.

Eng aktuell Thematik

D'Handlung spillt an den 2020er Joren, an engem Kalifornien, dat vu Klimawandel an anere vum Mënsch gemaachte Katastrophen zerstéiert ass. D'Heldin, d'Lauren Olamina, lieft als Teenager mat senger Famill an enger "gated community", wou déi, déi nach e bëssen eppes hunn, sech viru Misär, Aarmut a Kriminalitéit dobausse schützen.

D'Lauren wëllt fort an eng besser Welt sichen, respektiv erschafen. De Schlëssel zu der neier Welt läit, ongewinnt fir Science-Fiction, an der Relioun. D'Heldin entwéckelt an de Gedichter, déi et a säin Notizheft schreift, en neie Glawen, bei deem d'Verännerung am Mëttelpunkt steet. Iergendwann musst hatt fléien a reest duerno duerch Kalifornien, wou hatt mat anere lues a lues seng spirituell Beweegung opbaut.

Ee Spagat

Der Ëmsetzung vun Duffy an Jennings geléngt eppes, wat op den éischte Bléck vläicht paradox kléngt: Si ass souwuel immens textlasteg wéi och visuell ganz staark. D'Lauren fungéiert als Erzielerin am Comic, et gëtt vill Dialoger an et gesäit ee vill vum Lauren senge Versen. Donieft ginn dem John Jennings seng graff an dynamesch Zeechnungen d'Tristesse vun der Welt - et ass en düsteren, brutalen an och e bëssi grujelege Comic - gutt erëm.

Och déi expressiv Koloratioun dréit vill zur Atmosphär vun der Graphic Novel bäi. Allerdéngs brauch d'Buch bal bis an d'Hallschent bis d'Saach un d'Rulle kënnt. Et ass och sécherlech eng Adaptatioun ganz am Déngscht vun der Octavia Butler hirer Geschicht, déi sech net duerch eng grouss Originalitéit auszeechent. Trotzdeem ass de Comic gelongen an ënnersträicht mat senge kräftege Biller d'Aktualitéit vun der Butler hirem Roman. Eng Adaptatioun vun der Suite vun "The Parable of the Sower", "The Parable of the Talents", ass iwwregens schonns annoncéiert.

An der Mediathéik:

Lauschteren

Méi zum Thema

Gezeechent
Gezeechent

D'Science-Fiction BD spillt an enger noer Zukunft, an där d'Mënschheet esouvill Date produzéiert, datt net méi alles gespäichert ka ginn. De Jeff Thoss huet sech d'BD méi genee ugekuckt.

are you listening - Tillie Walden
Gezeechent

Der jonker Zeechnerin Tillie Walden hir Graphic Novel ass e Wierk vum magesche Realismus an erzielt d'Geschicht vum Bea a vum Lou, op engem Road Trip duerch Texas.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen