Niklosdag Lëtzebuerger Kleeserchers- a Chrëschtlidder
Am Kader vun "Les Rendez-vous de l'UNESCO", hat d'Commision luxembourgeoise pour la coopération avec l'UNESCO den 2. Dezember am Cercle Cité, op een een musikalesche Virtrag mat Lëtzebuerger Kleesercher's- a Chrëschtlidder agelueden.
Ob een u Kleeschen a Chrëschtkëndche gleeft oder net, déi friddlech Messagen a schéi Melodië vun de Lidder wierken an der wanterlecher Joreszäit.
De Georges Urwald (Museker, Museksprofesser, detachéierte Professer am Cedom vun der Lëtzebuerger National Bibliothéik), reest duerch d'Lëtzebuerger Lidderlandschaft, presentéiert d'Auteuren a reflektéiert d'Texter an d'Musek an hirem Kontext an an hirer Zäit: vum Chrëschtlidd, geschriwwen am Exil bis zum Kleesercherslidd, vertount fir d'Danzpist.
D'Lidder ginn ugestëmmt vun der Sängerin Deborah Marinkovic a begleet um Piano vum Georges Urwald.
De Carlo Link war fir de radio 100,7 am Cercle Cité dobäi.
An der Mediathéik:
LauschterenMéi zum Thema
Kannerbicher fir de Kleeschen
D'Kultur-Redaktioun vum radio 100,7 proposéiert dem Kleeschen e puer Bicher, déi de Kanner besonnesch gutt gefale kéinten. D'Kerstin Thalau, de Jean Claude Majerus an d'Valerija Berdi stelle se vir.
Kommentar
"For curious little minds"
Pénktlech fir Chrëschtdag lancéiert Facebook eng App fir Kanner. De Projet hätt en "edukativen" Zweck. Grouss Entreprise wëlle mat Kanner virun allem vill Sue maachen. An dat ouni vill Skrupel.
