Luxfilmfest Fir op Detroit? Ëmmer riicht aus!

Den erfrëschende russeschen Debutfilm ''The Whaler Boy" vum Philipp Yuryev kombinéiert Drama a Komedie, fir d'Konsequenze vun den Internet-Illusiounen duerzestellen - ouni Schwaarz-Wäiss-Molerei.

Michel Delage

Kompetitioun the-whaler-boy-1-1536x700.jpg
Vladimir Onokhov (Foto: Loco Films)

De Leshka (Vladimir Onokhov) lieft an engem russeschen Duerf bei der Beringsstrooss, vis-à-vis vun Alaska, dat vum Walfank lieft. De jonke Mann verléift sech enges Daags an eng Fra, déi en op engem amerikanesche Sexcam-Site entdeckt huet. Dat ass natierlech eng agreabel Oflenkung vu senger penibeler Aarbecht.

Mee ëmmer méi steigert hie sech a seng Obsessioun fir déi blond Schéinheet eran. Wéinst enger am Affekt begaangen Dot ass de Leshka gezwonge fir ze flüchten. A wann e scho fort muss, firwat net och bei seng grouss Léift op Detroit...

Internet-Illusiounen

''The Whaler Boy'' thematiséiert de sexuelle Misär vu jonke Männer an engem isoléierten Eck vun der Welt - net isoléiert genuch, fir vun den Illusioune vum World Wide Web verschount ze bleiwen.

De russesche Realisateur Philipp Yuryev weist a sengem éischte Long métrage, wéi dat knallhaart digitaalt Geschäft d'Emotioune vun den Internetnotzer exploitéiert. De Frust, deen doduerch entsteet, kann heiansdo zu extremen Handlunge féieren.

E Gefill vu Fräiheet

De Film setzt allerdéngs net op eng däischter, implacabel a manicheistesch Denonciatioun. ''The Whaler Boy'' geet éischter de Wee vun der Komedie, wat ëm eng gewësse Liichtegkeet a Poesie gëtt.

Trotz den haarde Liewensbedingunge kréie mer Mënsche gewisen, déi dat bescht dorausser maachen. Esou kann en Tierchen um Moto mam beschte Kolleeg an enger spektakulärer Landschaft e reellt Gefill vu Fräiheet vermëttelen, a sief et och nëmme fir e kuerze Moment.

Méi zum Thema

Bonnaire.PNG
LuxFilmFest

Fir de Jury vum Luxembourg City Film Festival, presidéiert vun der Sandrine Bonnaire, war de Krichsdrama vun der Bosnierin Jasmila Žbanić de beschte Film vun dëser 11. Editioun vum Festival.

assandira-con-regista.jpg Kompetitioun
Luxfilmfest

Iwwer e Generatiounskonflikt Papp-Jong an de Géigesaz tëschent Traditioun a Modernitéit geet et am Salvatore Mereu sengem Drama ''Assandira''. Zimmlech ustrengend, mee impeccabel ëmgesat.

Los Lobos Kompetitioun
Luxfilmfest

De mexikanesche Film ''Los Lobos'' (The Wolves) vum Samuel Kishi weist op eng flott Manéier, wéi Kanner en objektiv schwieregt Immigranteliewe mat Hëllef vun der Fantasie kënnen iwwerspillen.

Becoming Mona Kompetitioun
Luxfilmfest

Den hollännesch-belsche Familljendrama "Becoming Mona" erzielt d'Geschicht vun enger jonker Fra, déi weider net opfält, mee vill ze soen hätt. E schwieregen Typ vu Personnage gëtt hei visibel gemaach.

Aristocrats Kompetitioun
Luxfilmfest

De japanesche Film "Aristocrats" problematiséiert d'Roll vun der Fra a gehuewene Kreesser. Duergestallt gëtt eng friddlech Gesellschaft, där hir rigid Klassestruktur awer net ze veränneren ass.

Careless Crime Kompetitioun
Luxfilmfest

Rekonstitutioun? Transpositioun? Oder einfach nëmme Konfusioun? Mat engem Spill mat der Realitéit an der Illusioun stellt den iranesche Film ''Careless crime" de Spectateur op d'Prouf.

Air Conditioner 02 © Geração 80 Kompetitioun
Luxfilmfest

Klimaanlagen als leschten Depositär vun der kollektiver Memoire nom Biergerkrich: Dee Science-Fiction-Zeenario steet am Mëttelpunkt vum Angolaner Fradique sengem Filmdebut "Air Conditioner".

QUO VADIS AIDA © Cinéart (3)-1.jpg Kompetitioun
Luxfilmfest

''Quo vadis, Aida?" erzielt d'Tragedie vu Srebrenica aus der Perspektiv vun enger Fra, där als Iwwersetzerin d'Hänn gebonne sinn. Als Mamm gëtt si virun onméiglech Decisioune gestallt.

Programm

Net verpassen

  • Annonce: Recherche d'un chef de la programmation

    Gebai vum radio 100,7

    L'Etablissement de Radiodiffusion Socioculturelle, opérateur de la radio de service public radio 100,7, recherche 1 chef de la programmation (m/f) pour contrat à durée indéterminée et à temps plein.

Dossieren

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen