Wärend d'USA an d'Sowjetunioun an de 1950er Joren ëm de Weltall konkurréieren, muss d'Volleksrepublik China nach méi kleng Bréidercher baken...
Allerdéngs bleiwen nach sëlleg Prestige-Projeten op der Äerd. De Mount Everest, héchste Punkt vun der Welt, war zwar scho laang bezwongen - mee vun der nepaleesescher, nach net vun der tibeetescher Säit aus.
Land ouni Biergsteiger-Traditioun
Wéi konnt e Land ouni Biergsteiger-Traditioun eng opwänneg Himalaya-Expeditioun op d'Bee stellen? Wéi eng Roll hat dobäi d'Besatzung vum Tibet duerch de kommunistesche Regime vu Peking gespillt? Wie waren des Männer, déi sech a kuerzer Zäit fir de Mao zu Alpiniste konvertéiert hunn?
All dëse Froen ass de Cédric Gras a sengem Buch "Alpinistes de Mao" (Editions Stock) nogaangen, de Pendant vu senger viregter Enquête "Alpinistes de Staline" (Editions Stock, 2020).
De Michel Delage huet Enn Mee um Festival Etonnants voyageurs zu Saint-Malo mam Cédric Gras geschwat.
