Dokumentatioun vun der Corona-Kris Chroniques d'une pandémie

Eng vun de wichtege Missioune vum Centre national de l'audiovisuel, de CNA, ass, gesellschaftlech Entwécklungen zu Lëtzebuerg ze dokumentéieren an d'Material fir d'Zukunft ze archivéieren. Dozou gehéiert den Iwwergang vun enger Industrie- zu enger postindustrialiséierter Natioun, wéi och d'Changementer um Kierchbierg.

Kerstin Thalau / Claude Faber / cbi

Chroniques d'une pandémie
Foto: Andrés Lejona / CNA

Der Véronique Kolber hir Chronik vun der Pandemie

Foto: Véronique Kolber / CNA

D'Ekipp vum CNA huet ufanks Abrëll sechs Fotografe selektionéiert, déi si fir sechs Pandemie-Chroniken op verschidde Plaze geschéckt huet. Dorënner d'Véronique Kolber.

D'Kerstin Thalau huet mat der Fotografin iwwer hir Experienz geschwat.

Lauschteren

De Fotograf Patrick Galbats als Chroniqueur vun der Pandemie

Foto: Patrick Galbats / CNA

De Fotograf Patrick Galbats, Joergang 1978, huet, duerch seng laang fotojournalistesch Aktivitéite fir déi geschriwwe Press zu Lëtzebuerg, e Sënn fir d'Aktualitéit entwéckelt. Virun e puer Joer huet hie sech fir e Liewen als fräie Fotograf decidéiert.

Säin Domän: de soziale Reportage. Hie war deemno elo fir de CNA, de Centre national de l'audiovisuel, ee vu sechs ideale Kandidate fir eng fotografesch Chronik vun der Pandemie ze erzielen. D'Kerstin Thalau wollt vum Patrick Galbats gewuer ginn, wat hie wärend dem Mount Abrëll erlieft an observéiert huet.

Lauschteren

De Marc Schroeder gesäit d'Pandemie schwaarzwäiss

Foto: Marc Schroeder / CNA

De Marc Schroeder, Joergang 1974, deen an engem fréiere Liewe Risk Manager zu London an zu New York war, huet sech nom Ausbroch vun der Finanzkris 2009 en Dram erfëllt an ass fräie Fotograf ginn; mat Sëtz zu Lëtzebuerg, Berlin a Lissabon.

D'Kerstin Thalau huet mam Marc Schroeder iwwer seng Vue op déi aktuell Situatioun geschwat.

Lauschteren

Chroniques d'une pandémie - Romain Girtgen

Foto: Romain Girtgen / CNA

De Romain Wirtgen huet dem Claude Faber e klengen Abléck a seng Aarbecht ginn, déi hien haaptsächlech zu Diddeleng, awer och soss am Süde vun eisem Ländchen an Ugrëff geholl huet.

Lauschteren

Chroniques d'une pandémie - Andrés Lejona

Foto: Andrés Lejona / CNA

Den Andrés Lejona ass ee weidere vun de sechs Fotografen, déi d'Ekipp vum CNA ufanks Abrëll fir sechs Pandemie-Chroniken op verschidde Plaze geschéckt huet. Hie war haaptsächlech op der Musel ënnerwee.

Lauschteren

Carole Melchior

Foto: Carole Melchior / CNA

Fir de CNA-Projet Chroniques d'une pandémie hate sech am Abrëll sechs Fotografen op de Wee gemaach, fir Mënschen a Situatiounen an dëse schwierege Corona-Zäiten am Bild anzefänken, an esou dann och ze dokumentéieren, wéi eng Spueren de Virus zu Lëtzebuerg hannerléisst. D'Carole Melchior ass eng vun dëse Fotografen. Si huet hir Aarbecht haaptsächlech an der belscher Grenzregioun an Ugrëff geholl.

Lauschteren

Méi zum Thema

Samuel Hamen Meenung
Fräie Mikro

Wat soll d'Konscht am Kontext vun der Corona-Pandemie leeschten? Muss se séier a gratis sinn? An ass hir mam grousse Wuert vun der Systemrelevanz bäizekommen? Iwwerleeunge vum Samuel Hamen.

Riicht Eraus iwwer Bühnekonscht a Film
Impakt vu Kris op Kultur

936 kulturell Evenementer wieren annuléiert ginn, seet d'Kulturministerin. Fir d'Professioneller an de Secteure vum Film an der Bün waren d'Ausfäll direkt ze spieren. D'Hëllef koum séier an onkomplizéiert.

Programm

Praktesch Infoen

  • In memoriam Jay Schiltz: Sonndeg, 10:00

    Jay Schiltz

    De Jay Schiltz, laangjärege Chefredakter a Mataarbechter vum radio 100,7 ass de Mëttwoch am Alter vun 62 Joer gestuerwen. Dëse Sonndeg loosse mir Frënn, Aarbechtskolleegen, Mënschen zu Wuert kommen, déi de Jay e Stéck vu sengem Wee, berufflech oder privat, begleet hunn.

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen