Schreifkonscht Är Schreifloscht ass gefrot!

Muer den Owend ass et erëm esou wäit: Auteure kënnen hir nach onpublizéiert Texter engem interesséierte Publikum virstellen. All zweeten Dënschden am Mount huet d'Literatur an der Escher KUFA am Café Ratelach Rendez-vous.

Valerija Berdi / cbi

Eng Schreifmaschinn
Foto: Bigstock / Christian Horz

D'Konzept vun de Word in Progress-Owenter (WIP) kënnt vu Paräis a versprécht frësche Wand op de Liesbünen: eng Autorin oder en Auteur, egal ob si/hie scho publizéiert huet oder net, liest wärend zéng Minutten dem Publikum aus hirem/senge Wier vir. Engem Wierk, dat amgaang ass ze Entstoen.

Dono gëtt dann zesummen iwwer den Text geschwat. Mat op der Bün setzt e sougenannte "Bourreau", deem seng Aufgab et ass, Froen iwwer den Text ze stellen, an och de Publikum mat anzebezéien.

Fir déi Schreiwend ass dat eng flott Geleeënheet den Text engem kriteschen, awer frëndleche Bléck ze exposéieren an e Feedback ze kréien. Jiddwereen, dee Loscht huet seng Texter ze presentéiere ka sech umellen. Entweder bei der Nathalie Ronvaux vun der KUFA (nathalie@kulturfabrik.lu) oder beim Valerija Berdi vum radio 100,7 (vberdi@100komma7.lu)

A wie sech wëllt e Bild vum WIP maachen: de nächste Rendez-vous ass de 14. Januar um 20h am Ratelach an der Escher Kulturfabrik. Deen Owend sinn Texter op Däitsch a Lëtzebuergesch um Programm an et liesen: de Romain Butti,d'Maryse Krier an den Auteurenduo Anja Di Bartolomeo a Charel Meder.

An der Mediathéik:

Kultur / / Valerija Berdi
Lauschteren

Méi zum Thema

Pol Schmoetten - Holland Träumen
Pol Schmoetten - Holland träumen

De Pol Schmoetten ass keen Auteur, dee permanent Neies publizéiert. Ëmsou méi freet ee sech dann op en neit Buch vum Gewënner vum Servais-Präis 2000. D'Valerija Berdi stellt et vir.

Lambert Schlechter - Je n'irai plus jamais à Feodossia
Literatur

"Je n'irai plus jamais à Feodossia" ass den néngte Volume vum Lambert Schlechter senger Serie vu kuerze Prosatexter "Le Murmure du monde". Dës Kéier steet d'Vergänglechkeet vum Liewen am Mëttelpunkt.

Programm

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen