Nei Covid-Mesuren Kultursecteur Claude Mangen: De Kultursecteur ass keen Hotspot fir Infektiounen

De President vun der Theaterfederatioun bedauert, datt ee groussen Deel vum Kultursecteur och am Viséier vun den neie Covid-Restriktioune ass. An den Theateren, Kinoen a Concertssäll géife strikt sanitär Konzepter gëllen a wiere sécher keen Hotspot fir Infektiounen, esou de Claude Mangen am 100,7-Interview.

Claude Mangen

Hir wieren och keng Clusteren am Kulturberäich bekannt, seet d'Kulturminsterin. D'Intentioun vun de potentiellen neie Restriktiounen wier fir Aktivitéiten ze ënnerbannen, wou vill Leit laang an engem zouene Raum zesumme sinn. D'Iddi wier och, datt d'Leit owes méiglechst sollen doheem bleiwen, fir esou d'Kontakter generell ze reduzéieren. Muséeën, Galerien, Bibliothéiken an Archive géifen awer opbleiwen.

De President vun de Theaterfederatioun bedauert, datt ee groussen Deel vum Kultursecteur och am Viséier vun den neie Restriktioune ass. An den Theateren, Kinoen a Concertssäll géife strikt sanitär Konzepter gëllen, an dës wiere sécher keen Hotspot fir Infektiounen, esou de Claude Mangen.

D'Commission consultative des droits de l'homme hätt rezent an engem Avis gefrot, op wat d'Regierung sech fir en neie Lockdown an der Kultur géif baséiert. Et géifen dem Claude Mangen no keng Statistiken a keng Beweiser, datt sech do méi ugestach gëtt wéi an anere Beräicher.

"Au Contraire sinn ech der Meenung, datt dat vill méi sécher an iwwersiichtlech ass. Also 100 Zuschauer, déi hu mir am Grëff, mir wësse si och ze retracéieren. Also dat ass schonn eppes, wat schwéier ze verdauen ass."

Sam Tanson: "Kultur ass der Regierung wichteg"

D'Intentioun vun de potentiellen neie Restriktioune wier fir Aktivitéiten ze ënnerbannen, wou vill Leit laang an engem zouene Raum zesumme sinn. D'Iddi wier och, datt d'Leit owes méiglechst sollen doheem bleiwen, fir esou d'Kontakter generell nach emol ze reduzéieren. Datt d'Kultur der Regierung net wichteg genuch wier, wëllt d'Sam Tanson esou awer net stoe loossen.

"Nee, d'Kultur ass wierklech immens wichteg. Dofir hu mir eppes gemaach, wat an anere Länner net gemaach gëtt: Do wou zirkuléiert gëtt, wéi d'Muséeën, déi si weiderhin op. Dat heescht, mir hu gekuckt a wéi enger Situatioun ee sech befënnt, a wéini d'Saachen oflafen, fir do ee Parallelismus ze hunn. Natierlech kann een driwwer diskutéieren a sech froen, huet dat elo esou ee risegen Impakt oder net?"

Méi zum Thema

Schoul Coronavirus
Coronavirus

Den Educatiounsministère huet der zoustänneger Chamberkommissioun de Freideg nei Moossname fir de Schoulberäich matgedeelt. Dat fir de Fall, datt d'Restriktioune fir d'Bevëlkerung insgesamt duerch en neit Covid-Gesetz verschäerft ginn.

Tram
Mobilitéit

A manner wéi engem Mount gëtt et eng nei Etapp fir den ëffentlechen Transport. Vum 13. Dezember u fiert den Tram vun der Stäreplaz bis op d'Gare. Och den nationale Reseau gëtt nei strukturéiert.

Programm

Net verpassen

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen