Kannerkëscht

An der Kannerradionuecht waren eis Kannerreporter aus dem Cycle 3.1 vu Kielen mat hirer Joffer Véronique Maas bei engem ganz spezielle Service vun der Police, an zwar bei der Hondsstaffel. D’Hënn si fir d’Police eng ganz wichteg Hëllef. Den Hond mam Hondsmeeschter ass en agespilltent Team, an den Hond lieft och beim Hondsmeeschter doheem. Wat ass dann elo d’Aarbecht vun der Hondsstaffel? Wou ginn d’Muppen am Policedéngscht agesat? Alles Froen, op déi eis Kannerreporter Äntwerte gesicht hunn.