Sample vun der Woch
Tyrone Davis - In The Mood
4 min
Den Tyrone Davis war en amerikanesche Soul- a R&B-Sänger, dee besonnesch an den 1960er an 1970er Joren erfollegräich war. Gebuer als den Tyrone Fettson de 4. Mee 1938 zu Greenville, Mississippi, huet seng Karriär als Chauffeur ugefaangen, mee säin Talent a seng Leidenschaft fir d'Musek hunn hie séier an de Spotlight geféiert.
Am Ufank vu senger Karriär, huet hien als Tyrone the Wonder Boy performt an hien huet seng éischt Singele fir ënnerschiddlech kleng Plackefirmen opgeholl. Duerno koumen eng Rei vu Singelen eraus, déi nëmme limitéierten Erfolleg haten.
Mee 1968 war den decisive Moment a senger Karriär. Mat der Single "Can I Change My Mind" huet hien d'US-R&B-Charts eruewert a säin éischte groussen Hit gelant. Dëst Lidd war deen éischte vun enger Dosen Top 10 Hits, déi hien an den 1970er Joren hat.
Säin Erfolleg goung weider mat Tracks wéi "Turn Back The Hands Of Time" an "I Had It All The Time". Dem Tyrone Davis seng Musek huet sech duerch eng charakteristesch duuss Stëmm ausgezeechent. Hien huet et fäerdeg bruecht Emotioune bei sengem Publikum ervirzeruffen.
Wärend den 1970er Jore war hien ee vun den erfollegräichste R&B-Kënschtler a seng Lidder ginn dacks mat der goldeger Ära vum Soul verbonnen. Dësen Zäitofschnëtt huet him eng liewenslaang Plaz an der Museksgeschicht geséchert.
An den 1980er Joren huet seng Karriär u Vitess verluer, mee hie blouf awer an der Musekszeen aktiv. Wärend dëser Zäit huet hie sech méi dem Blues zougewannt an nei Albumen erausbruecht, déi en aneren Aspekt vu sengem Talent gewisen hunn.
Obwuel seng bescht Zäit an de 70er Jore war, huet den Tyrone Davis seng Passioun fir d'Musek ni opginn. Hien ass bis zu sengem Doud den 9. Februar 2005 weider opgetrueden. Säin Impakt op de R&B a Soul ass net ze ënnerschätzen. Et erënnert ee sech un hien als eng vun de grousse Stëmme vum amerikanesche Soul.
Säi Lidd "In The Mood" koum 1979 eraus a blouf e ganz beléifte Sample am Hiphop. De Fat Joe benotzt en am Joer 1995 fir säin "Dedication" doraus ze maachen.
Och am R'n'B ass de Sample ganz beléift. Hei sinn SWV a "When U Cry".
Op der Westcoast vun den USA hu se déi selwecht Melodie gesampelt. Hei ass MC Eiht a säin "All For The Money".
Och a Frankräich gouf den Tyrone Davis gesampelt, zum Beispill den Driver a säin "La vraie vie" vun 1998.
Episoden
Camille Yarbrough - Take Yo' Praise
D‘Camille Yarbrough ass eng amerikanesch Sängerin, Schrëftstellerin, Schauspillerin a Biergerrechtsaktivistin. Hiren Afloss ass duerch de Sampling nach hautdesdaags ze spieren.
Brian Bennett - Solstice
De Brian Bennett ass en englesche Batteur, Pianist, Komponist a Produzent. Nieft senger Roll an de Shadows war hien e ganz produktive Kënschtler, dee ganz beléift bei alle Beatmaker ass.
Bobby Womack - How Could You Break My Heart
Deen amerikanesche Sänger, Songwriter, a Gittarist ass bekannt fir seng Bäiträg zu Soul, R&B, a Gospelmusek. Seng Samples si besonnesch beléift am Hiphop an R'n'B.
Bob James - Shamboozie
Deen amerikanesche Jazzpianist, Arrangeur a Komponist ass besonnesch bekannt fir seng Roll am Smooth Jazz-Genre an ass zanter bal 5 Joerzéngten aktiv. Hien ass e Favorit bei allen Hiphop-Produzenten.
Billy Garner - I Got Some
Hien ass warscheinlech am meeschte bekannt fir seng Single "I Got Some" aus dem Joer 1970, déi och vill am Hiphop gesampelt gouf. gesampelt gou
Bill Doggett - Honky Tonk
De Bill Doggett war en amerikaneschen Organist, Pianist a Komponist. Hien ass virun allem bekannt fir säin Hit "Honky Tonk", deen hien international bekannt gemaach huet. E gouf och dacks am Hiphop gesampelt.
Barney Kessel - The Look of Love
De Barney Kessel war en amerikanesche Jazzgittarist, ee vun de bedeitendste Gittariste vum 20. Joerhonnert. Seng aussergewéinlech Technik huet him e festen Numm an der Geschicht vum Jazz abruecht.
Babe Ruth - The Mexican
Babe Ruth, eng brittesch Rockband, déi an den 1970er Jore gegrënnt gouf, si fir hire markante Mix aus Hard Rock, Progressive Rock, a Funk bekannt. Si goufen erfollegräich vun Hiphop-Kënschtler gesampelt.
Aretha Franklin - One Step Ahead
D'Aretha Franklin war eng vun de bedeitendsten amerikanesch Sängerin a Songwriterin vum 20. Joerhonnert. Si gëtt dacks als "Queen of Soul" bezeechent.
Ann Peebles - Troubles Heartaches And Sadness
D‘Ann Peebles ass eng amerikanesch Soul- a Bluessängerin, déi an den 1970er Jore besonnesch populär war. Si ass bekannt fir hire "Memphis Soul" Sound a gouf ënner anerem vum Wu-Tang Clan gesampelt.
RHYTHM - RHYTHM
RHYTHM goufen am Dezember 1971 zu Boston gegrënnt. Hiren Album "RHYTHM" ass eng richteg Freed fir Funk- a Soul-Libhaber. Si goufen ë. a. och vum verstuerwene Rapper Nipsey Hussle gesampelt.
Isaac Hayes - Tough Guys
Den Isaac Hayes war eng amerikanesch Museksikon, bekannt als Sänger, Songwriter, Schauspiller a Produzent. Esou ass et kee Wonner, datt hie ganz beléift am Hiphop ass.
Don Blackman - Holding You, Loving You
Den Don Blackman war en amerikanesche R'n'B- an Jazz-Pianosspiller a Singer/Songwriter, gebuer 1953 New York. Hien huet seng musikalesch Karriär fréi ugefaangen a gouf zu enger markanter Figur am Jazz a R'n'B.
ZAPP - Be Alright
Zapp ass eng amerikanesch Funk-Band, 1977 gegrënnt. Si si virun allem bekannt fir hir innovativ Notzung vun der Talkbox an hir energesch Funk-Beats. Si sinn eng vun de meescht gesampelten Gruppen am Hiphop.
Tyrone Davis - In The Mood
Den Tyrone Davis war en amerikanesche Soul- a R&B-Sänger, dee besonnesch an den 1960er an 1970er Joren erfollegräich war. Gebuer als den Tyrone Fettson de 4. Mee 1938 zu Greenville, Mississippi.
The Sylvers - Cry Of A Dreamer
The Sylvers ass eng amerikanesch R&B- a Soul-Band, déi an den 1970er Jore berüümt gouf. D'Band besteet aus de Geschwëster Sylvers, déi zu Memphis, Tennessee opgewuess sinn.
The O'Jays - Darlin’ Darlin’ Baby
The O'Jays, eng amerikanesch R&B-Grupp, 1958 zu Canton, Ohio, gegrënnt, ass eng vun de bekanntste Bands am Philadelphia-Soul-Genre an huet an den 1970er Joren eng ganz Rei vun Hits erausbruecht.
