Et mécht nach Sënn, sech géint d’Gripp z’impfen, seet en Dokter virum Hannergrond vun enger Grippewell hei am Land. Impfe kann een sech, wann een zu engem Risikogrupp gehéiert, respektiv souguer, wann een d’Gripp schonn hat.
A ronn 14 Stonne soll am Noen Osten de Waffestëllstand tëscht Israel an der Hamas a Kraaft trieden. Bei enger Messerattack, am Nomëtten, zu Tel Aviv an Israel gouf e Palästinenser erschoss.
An a Frankräich gëtt et Divergenzen an der Lénksallianz Nouveau Front Populaire. Dat wéinst dem Mësstrauensvote vu virgëschter, bei deem d’Sozialisten net géint de Premier François Bayrou gestëmmt hunn.