1. Inauguratioun gëschter vum neie Centre médical du Sport am CHEM zu Nidderkuer. Eng pluridisziplinär Equipe vun aktuell eelef Leit suergt fir de medezineschen Encadrement vu Sportlerinnen a Sportler.
2. Gutt Nouvelle am Dossier Caritas. D‘Fondatioun Caritas kann sech eisen Informatiounen no den Ament nach iwwer Waasser halen a gëtt elo mol net liquidéiert.
3. Dronenattack an der Géigend vun der nordlibanesescher Hafestad Tripolis op ee palestinensescht Flüchtlingslager. Ënnert den Doudege soll och ee Leader vun der Hamas sinn.
4. Bei engem Banden-Iwwerfall op eng kleng Uertschaft an Haiti sinn op mannst 70 Mënschen ëm d‘Liewe komm.
5. De republikanesche Präsidentschaftskandidat Donald Trump huet haut ee Wal-Optrëtt zu Butler. Also do wou Mëtt Juli op hie geschoss gi war.