Kultur

No gutt 33 Joer mécht den 1. September Op der Lay seng Dieren zou: d’Bicher vum Verlag gëtt et da just nach bei Librairen, a Bibliothéiken a second hand. Wat bedeit dat fir d’Zukunft vum Verlagswiesen zu Lëtzebuerg? Verstoppt sech hanner deem Eenzelfall vläicht esouguer ee méi déiwen, strukturelle Problem? Doriwwer huet de Jeff Schinker mam Eric Steffen, deen Op der Lay déi lescht Jore mat der Doris Bintener zesumme geleet huet, mam Marc Binsfeld vun den Éditions Guy Binsfeld plus Vizepresident vum Verband vun den Editeuren, mat der Anne-Marie Reuter vu Black Fountain Press a mat der Claudine Muno, als concernéiert Op-der-Lay-Autorin, geschwat. An engem éischten Deel geet et hei ëm eng Zort Bestandsopnam vun der Situatioun vun de Verläg.