De CNAPA, Centre National de Prévention des Addictions, organiséiert zesumme mat der Initiativ Liewensufank, der Eltereschoul an der EwB (ErwuesseBildung) eng Konferenz zum Theema Screentime fir kleng Kanner - eng Erausfuerderung fir Famillen. D’Dr. Ducanda beschäftegt sech zënter ville Jore mam Problem, datt scho ganz kleng Kanner vill ze vill dacks den Ecranen ausgesat sinn.
Ecrane ginn et gefillt un allen Ecken, et blénkt an et straalt onënnerbrach a souguer déi Erwuessen hu Problemer, net dauernd stonnelaang ze scrollen an ze glotzen. Expertinnen an Experte warnen ëmmer méi däitlech virun de Suitte fir kleng Kanner, wa si iwwerméisseg vill den Ecranen ausgesat sinn. Mee wéi geet ee responsabel domat ëm? Wéi eng wierklech Impakter hunn Ecrane bei deene Klengen? A wat maachen ech, wa mäi Kand schonn ze vill un den Ecran gewinnt ass? D’Nora Schleich, Directrice vun der EwB ASBL,, verzielt iwwer d’Uleies an d’Reflexioun dohannert. (https://www.cnapa.lu/de/events/konferenz-familljen-a-bildschiermer)
10.12. 2025
Park Hotel Alvisse, 120 Route d’Echternach, L-1453 Luxembourg
