Stereotypesch Representatioune vu Mann a Fra ginn et scho laang. Mee wärend hartnäckeg dru geschafft gëtt mat Klischeeën opzeraumen a Gläichberechtegung liefbar ze maachen, schéngt es, wéi wa sech op Social Media mat Trends wéi den Tradwifes oder der Manosphere eng entgéintgesaten Entwécklung vollzéie géif. Dës Internetcommunities propagéieren toxesch Geschlechterbiller a stellen eng real Gefor fir eis Gesellschaft duer. Mat der Table ronde “Toxesch Genderrepresentatiounen Online“ versicht d’EwB (EerwuesseneBildung) dëser Entwécklung op de Grond ze goen: Wéi konnt et esou wäit kommen? Wéisou ass d’Onlinewelt exponentiell mat deem Problem konfrontéiert? Et geet ëm Analys, kritescht Denken, praktesch Hëllef a Preventioun. Explikatioune vun der Liz Lambert, Chargée de Communication an der EwB
Eventtipp:
Un der Table ronde “Tabu Thema: Toxesch Genderrepresentatiounen Online“ huelen deel:
d’Esin Göksoy vum CID | Fraen an Gender, den Alex Carneiro vun infoMann, d’Karin Weyer vu respect.lu an d’Charlotte Pull vum Zenter fir exzessiivt Verhalen a Verhalenssucht.
Moderatioun: Nora Schleich (EwB)
20.11.25 vun 18.30-20.00 Auer an der EwB
(https://ewb.lu/event/tabu-thema-toxesch-genderrepresentatiounen-online)
