De Plan d’Action National (PAN) 2019-2024 ass dat Instrument, mat deem Lëtzebuerg d’Rechter vu Persoune mat Behënnerung aus der UN-BRK konkreet ëmgesat huet. Aacht grouss Theemeberäicher goufen ugeschnidden - vun der Sensibiliséierung, iwwer Educatioun a Gesondheet, bis zu politescher a gesellschaftlecher Participatioun. Am Ganze goufe 97 Aktiounen definéiert: 56 dovun ofgeschloss, 36 amgaangen a just 5 net ugefaangen. Zu de wichtegste Schrëtt zielen d’Campagne “Wat ass normal?“, d’Accessibilitéitsgesetz, eng nei Rubrik “Inclusioun“ op guichet.lu an deen éischte Recensement vu Persoune mat Behënnerung. Trotz dësen Erfolleger bleift nach Aarbecht, besonnesch bei komplexe Reformen, mee deen neien Aktiounsplang ass schonn a Virbereedung a soll Enn 2026 virleien.
Invité beim Angie Maquil ass de Sascha Lang, Agent de Communication a Member vun der Unité PAN am Ministère de la Famille, des Solidarités, du Vivre ensemble et de l'Accueil.
Méi Informatioune fannt dir op www.inclusion.lu.
