Vill Eltere froe sech vu wéini un hiert Kand eleng schlofe soll. Wa Kanner net vum selwen an hirem Bett schlofen, féiert dat bei Elteren dacks zu Stress a Veronsécherung. All Kand ass anescht a léiert deementspriechend a sengem eegenen Tempo bis et prett ass fir eleng ze schlofen. Dëse Prozess fänkt dacks tëschent zwee a véier Joer un, mee kann awer och eréischt méi spéit sinn. Ängschte sinn dobäi awer normal - wichteg ass se eescht ze huelen, ouni se méi grouss ze maachen. Berouegend Ritualer wéi eppes virliesen oder eng Nuechtliichtche kënnen hëllefen. Wann e Kand scho méi al ass, wann et léiert eleng ze schlofen, ass et wichteg, datt den Iwwergang lues ass, an datt een him hëlleft a klenge Schrëtt dëst ze bewältegen. Studie weisen, datt kloer Routine a Konsequenze wichteg si fir eng stabil Schlofgewunnecht ze fërderen. Eltere kennen d‘Kand mat klenge Belounungen a Luef motivéieren, fir den Iwwergang méi angeneem ze gestalten. Virun allem ass et wichteg, dass d‘Kand sech sécher fillt an net ënner Drock gesat gëtt. Mat Gedold a léiwer Ënnerstëtzung gëtt d’Schlofen am eegene Bett zur Normalitéit. Entscheedend si Rou, Konsequenz an eng positiv Approche. Weider Rotschléi vun der
Diplom-Pädagogin Natasha Salomon vun der Erzéiungs a Familljeberodung
