No enger éischter Phas mat groussem Interessi vu Benevolle geet de Projet elo an d’Sammelphas vu Geschichten.
25 Leit hu sech als History Keeper ausbilde gelooss, fir Interviewe mat eelere Persounen ze féieren. Gesicht ginn elo Erzieler:innen, déi vun hirem Alldagsliewen, Beruff, Schoul, Traditiounen a gesellschaftleche Verännerunge berichten. Den Naturpark Uewersauer an d’Uni Lëtzebuerg ënnerstëtzen de Projet fir d’Geschichten ze dokumentéieren an digital zougänglech ze maachen.
D’Interviewe kënnen op verschiddene Plaze stattfannen a gi professionell opgeholl. De Projet setzt op lokal Verankerung an Zäit-Episoden aus de leschte Joerzéngten. Explikatioune mam Alain Brever, Direkter vum Gero Kompetenzzenter fir den Alter
