D’Bildschiermzäit vu Kanner ass e wichtegt Theema, well digital Medien e groussen Deel vun hirem Alldag ausmaachen. Schonn am fréien Alter hu si Kontakt mat Bildschiermer, wat Auswierkungen op d’Sproochentwécklung, de Schlof a kierperlech Aktivitéit kann hunn. Fir eng gesond Balance ze garantéieren, ass et wichteg, den Ecran-Konsum bewosst ze steieren an Alternativen ze fërderen.
Aktivitéite wéi Bicher liesen, Puzzelen, Spiller, Sport oder kulturell Evenementer bidden eng gutt Alternativ zu Bildschiermer. Wichteg ass, datt d’Kanner aktiv a variéiert beschäftegt ginn. Moderéierten a bewossten Ecran-Konsum kann Deel vun der Alldagsroutine sinn, wann en net ze laang dauert an net aner wichteg Aktivitéiten ersetzt.
Recommandatioune vum renomméierte franséische Psycholog Serge Tisseron:
0-3 Joer: de Kontakt mam Ecran komplett vermeiden
3-6 Joer: begleeten Zougrëff mat altersgerechten Inhalter
6-9: D‘Ecrane mat de richtege kannnerfrëndlechen Astellunge fir d’Regulatioun vun der Zäit an dem Contenu encadréieren
9-12: De Smartphone bis den Alter vun 12 Joer un evitéieren
12+: Den Zäitpunkt vun der digitaler Autonomie mat aleeden an en oppent Ouer behalen.
All Famill soll individuell Reegelen definéieren a Kanner aktiv begleeden. Explikatioune mam Jeff Kaufmann vu Bee Secure
D’Helpline Nummer vu Bee Secure ass den 8002 1234 oder iwwer www.bee-secure.lu
