Aus dem Liewen

Joreswiessel a Perspektiven am PLOMM
2024 war e besonnescht Joer fir de Kannermusée. Fir d’Ouverture am Abrëll war d’Gebai fir d‘éischte Kéier mat Kannerlaache gefëllt. Zanterdeem goufe vill Erfarunge gesammelt, et gouf villes gefléckt, iwwerduecht oder och geännert, mee den Hannergedanke bleift dee selwechten. Mam Zil de Kanner eng Stëmm ze ginn an dës och eescht ze huelen, fänkt de Kannermusée PLOMM d’Joer 2025 mat konkrete Prioritéiten u fir seng Visioun fir 2030 ze erreechen. Deemno sinn d’Kanner d’Bierger:inne vun haut a vu muer, si ginn encouragéiert sech Froen ze stellen, sech anzebréngen, Saachen auszetesten a matzemaachen, andeems si hir eegen Iddien a Meenungen op kreativ Aart a Weis ausdrécke léieren. An den Ausstellungen, Atelieren an anere Projeten am Kannermusée gëtt hinnen e Raum fir Reflexiounen an Diskussioune gebueden, fir datt si sech als Kënschtler:innen, Fuerscher:innen oder Entdecker ausprobéiere kënnen. Explikatioune ginn et vun der Directrice Manon Eicher. (www.plomm.lu)

Episoden