Sexismus am Kultursecteur an eng Etude zum Theema
Am Kader vu senger Konventioun mam Kulturministère a mat der finanzieller Ënnerstëtzung vun der Stad Diddeleng huet de CID | Fraen an Gender Ufank 2024 mam LISER (Luxembourg Institute of Socio-Economic Research) eng Etude verëffentlecht, déi d’Programme vun ausgewielte Kulturinstitutiounen aus dem Grand-Duché op d’Verdeelung vun de Geschlechter analyséiert huet. Heifir goufen d’Programmer vun der Saison 2022-2023 méi genee gekuckt, an dat innerhalb vu follgende Beräicher: Theater, Danz, klassescher an zäitgenëssescher Musek.
Zil vun der Etude ass et, d‘Chancen an d‘Representatioun vun de Fraen an dem Secteur ze ënnersichen an eventuelle strukturelle Problemer entgéintzewierken, wéi d’Natalie von Laufenberg, Responsabel fir Kommunikatioun beim CID | Fraen an Gender erkläert. (www.cid-fg.lu)
