Al Schanken
Al Schanken
60 min
De Mick Abrahams (07.04.1943) ass en englesche Gittarist a Sänger, dee mat zu de Grënner vun Jethro Tull zielt. Mee schonns nom éischten Album "Time Was' verléisst hien 1968 dës Band am Streit mam Ian Anderson wéinst musikaleschen Differenzen a grënnt seng eege Formatioun, "Blodwyn Pig', déi eng Mëschung aus Rock, Blues an Jazz proposéiert.
Blodwyn Pig spillt dat Joer drop um faméise Festival op der Isle Of Wight, léist sech allerdéngs kuerz duerno op. Eréischt Ugangs de 90er geet et erëm weider, de Mick Abrahams publizéiert parallel zu de Bandaktivitéiten eng etlech Solo-Produktiounen.
Den Album "All Tore Down' gouf wärend der 1994er Tour opgeholl, als Invité stung den ... Ian Anderson bei engem Gig mat op der Bün - et verdréit een sech deemno erëm. Um Album fënnt eng eng 17-Minutte-Versioun vu "Cat's Squirrel', am Original méi kuerz op "Time Was' ze fannen, den Track "I Wonder Who' ass en Hommage un de brittesche Bluespionnéier Alexis Korner.
D'Playlist vun haut:
Lou Reed - Vicious (live) (Lou Reed Live, 1975)
Roxy Music - Do The Strand (For Your Pleasure, 1973)
The Stranglers - No More Heroes (No More Heroes, 1977)
Patti Smith Group - Dancing Barefoot (Wave, 1979)
Bernard Allison Group - Rockin' Robin (Hang On!, 1993)
Bernard Allison Group - Voodoo Thang (Hang On!, 1993)
Mick Abrahams' Blodwyn Pig - I Wonder Who (live) (All Tore Down, 1994)
Big Daddy Lee - Hey, Hey (The Reason, 2012)
The Doors - L.A.Woman (L.A.Woman, 1971)
Siouxsie And The Banshees - The Passenger (Through The Looking Glass, 1987)